Greqia ndodhet në një situatë alarmante, teksa deri më tani 39 persona kanë ndërruar jetë për shkak të epidemisë që ka përfshirë vendin.
20 nga viktimat kanë humbur jetën nga komplikacione të gripit vetëm javën e fundit, ndërsa mes tyre janë edhe dy fëmijë, një foshnje 15 muajsh dhe një vajzë 6-vjeçare.
Sipas informacioneve, të gjitha viktimat janë nga grupet e përfshira në vaksinimin e detyrueshëm, sipas udhëzimeve të qendrës greke për Kontrollin dhe Parandalimin e Sëmundjeve.
Aktualisht, 165 pacientë janë në gjendje të rëndë dhe kurohen ne klinikat e reanimacionit të vendit. Gjatë tre ditëve të fundit, janë shpërndarë në farmacitë greke 50.000 vaksina ekstra. Epidemia pritet të zgjasë deri në fund të marsit.
Virusi i gripit AH1N1 ka shkaktuar deri më tani 4 viktima në Shqipëri. Edhe gripi sezonal A në kombinim me probleme të tjera shëndetësore, është kërcënues për jetën e pacientëve, theksohet në udhëzimet e Qendrës greke për Kontrollin dhe Parandalimin e sëmundjeve.
