Thellohet edhe më shumë skandali në lidhje me “ultimatumin” e përcjellë një ditë më parë nga drejtoresha e gjimnazit “Sami Frashëri”, Teuta Dobi, kundrejt nxënësve.
Sikundër dëgjohet edhe në video, drejtoresha me një gjuhë të thjeshtë, iu kërkon gjimnazistëve që të distancohen nga protesta, e cila sot shënon ditën e saj të tetë. Falë mjeshtërisë së fjalëve, ajo tenton që ti bindë ata, dhe në formë kërcënuese i kujton telefonatat e marra nga ana e prindërve, të cilët e kanë përcjellë me mjaft shqetësim.
Drejtoresha e gjimnazit “Sami Frashëri”, Teuta Dobi, i ka penguar ata të marrin pjesë në marshimin drejt Ministrisë së Arsimit.
Shumë mesazhe u bënë virale në kohë reale lidhur me pengesën që do hasnin studentët protestues, e mbi të gjithë gjimnazistët, të cilët duhet të merrnin leje. Ky është rasti flagrant.
Kjo video e cila bëri xhiron e rrjeteve sociale, ka vënë në lëvizje drejtoreshën. Burime për “Tirana Today” bëjnë me dije se ajo ka kërcënuar nxënësit e senatit për videon, dhe ka lajmëruar policinë e Tiranës, për t’ju marrë telefonat.
