Myrto Uzuni është duke kaluar një sezon fantastik në Kroaci me Lokomotivën e Zagrebit. Sulmuesi kuqezi ka shënuar edhe në ndeshjen e kësaj jave, duke rezultuar deçiziv në barazimin e skuadrës së tij.
Sot skuadra nga kryeqyteti kroat barazoi 1-1 në shtëpi me Slaven Belupos, sfidë që duhej ta fitonte, por gjithsesi u desh një gol i sulmuesit të Shqipërisë për të evituar humbjen, sepse Slaven kryesonte prej minutës së 50-të me 11-metërsh.
Uzuni barazoi në minutën e 80-të dhe deri në fund ishte mjaft i rrezikshëm në zonën kundërshtare, por nuk pati fat në një moment të mirë.
Është goli i katërt në kampionat, në 10 ndeshje për Uzunin, ndërsa i dyti brenda një jave, sepse javën e shkuar i shënoi Osijekut.
