Policia procedon penalisht kreun e Partisë Demokratike Lulzim Basha dhe dy deputetët e kësaj partie Klevis Balliu dhe Ervin Salianji.
Procedimi ndaj tyre vjen për pjesëmarrjen në protestën tek Unaza e Re.
Të tre deputetët e PD-së kanë qenë pjesëmarrës në protestat që kanë zhvilluar banorët e ‘Astirit’ duke i bashkuar me kauzën e qytetarëve.
Burime nga policia bëjnë me dije se ndaj të proceduarave rëndon akuza për tre vepra penale, organizim dhe pjesëmarrje në grumbullime të paligjshme, prishje e qetësisë publike dhe pengim i qarkullimit të mjeteve.
“Më datë 23.11.2018, u referuan materialet në Prokurorinë pranë Gjykatës së Shkallës së Parë Tiranë, për shtetasit L. B., E. S., K. B., F. N., E. A., G. P., A. B., L. P., Sh. S., G. S., E. F., B. Gj., M. F., L. K., B. Gj., vjeç 44, 30, 29, 46, 45, 55, 44, 51, 45, 49, 36, 51, 61, 51 e 32, banues në Tiranë për veprat penale të parashikuar nga nenet 262, 274 e 293 të Kodit Penal.”- thuhet në njoftimin e policisë.
