Një situatë e tensionuar është shënuar pak çaste më parë në Gjykatën e Krimeve të Rënda, ku familjarët e të arrestuarve të dosjes “Lazarati 2”, kanë sulmuar gazetarët e gjyqtarët.
Në çastin që Gjykata e Apelit ka lënë në fuqi vendimin për dënimin e të afërmve të tyre, familjarët e të dënuarve kanë sulmuar gazetarët. Këta të fundit, për t’iu shmangur konfliktit, kanë dalë jashtë.
Më e rëndë bëhet fakti se duke parë këtë situatë kaotike, policët nuk kanë ndërhyrë. Më pas, familjarët kanë sulmuar edhe gjyqtarët që dhanë vendimin.
Nga 11 dënime, 9 prej tyre janë lënë në fuqi.
Të dënuarit e grupit të Lazaratit për vrasjen e efektivit Ibrahim Basha:
Albion Aliko – Burgim i përjetshëm
Bajram Boci – Burgim i përjetshëm
Elvis Boçi – 35 vite burg
Alban Aliko – 20 vite burg
Elson Kasma – 18 vite burg
Xhulio Malo – 10 vjet
Klodian Selimi – 13 vjet
Oltion Proko – 9 vite burg
Dervish Gaba – 15 vite
Ruhan Hija – 15 vite burg
Iljaz Xhaferri – 15 vite burg
