Javë më parë, kryeministri Rama vizitoi nga afër familjen e Ilir Koçit në Marikaj të Vorës. Sikundër duket qartë dhe nga pamjet, familja jetonte në kushte të vështira ekonomike, e ndërsa banesa e tyre thuajse nuk ishte funksionale.
Por sot çdo gjë ka ndryshuar, e ndërsa kryeministri Rama ka mbajtur premtimet për këtë familje. Kryefamiljari është punësuar, e ndërsa shtëpia është ringritur nga fillimi. Tashmë ëndrra e tyre është bërë realitet.
Lajmin e ka përcjellë kryeministri Rama, me anë të një postimi në rrjetet sociale. Bashkëngjitur videos, ai ka shkruar:
“MIRËMËNGJES, dhe me familjen e Ilirit, ku po kthehet shpresa tek e nesërmja dhe shtëpia e tij e re ka filluar të ngrihet, ju uroj një të dielë të qetë”.