Presidenti i Republikës së Shqipërisë, Ilir Meta, i ftuar në emisionin ‘Zonë e Lirë’ ka folur për dekretimin e Sandër Lleshit. Ai ka mohuar që të ketë një ‘pakt’ të fshehtë që në këmbim të dekretimit të Lleshit si ministër, Vitore Tusha të marrë pëlqimin e parlamentit. Po ashtu Meta ka dhënë edhe një këshillë për bashkëshorten, Monika Kryemadhi.
E dekretove Sandër Lleshin që Vitore Tusha të merrte pëlqimin e parlamentit?
“Fake News”, iu përgjigj Meta pyetjes së Arjan Çanit në emisionin “Zonë e Lirë”.
Meta u pyet nëse kishte biseduar me kryetarin e parlamentit Gramoz Ruçi, në takimin e zhvilluar mes të dyve më herët gjatë kësaj të enjteje, për këtë çështje. Përgjigja ishte “jo”.
A ndikoi Monika për vonimin e dekretimit të Sandër Lleshit?
“Zero shanse”, tha Meta.
VIDEO/ Këshilla e Metës për Kryemadhin: Duhet të moderohet pak…
“Monika (Kryemadhi) duhet të moderohet pak”, është shprehur Presidenti Ilir Meta gjatë emisionit “Zonë e Lirë”, mbrëmjen e sotme.
“Pse mendon se duhet të moderohet”, u pyet ai nga drejtuesi i emisionit Arjan Çani.
“Po kështu mendoj unë”, shtoi kreu i shtetit.
