“E kuptoj plotësisht se përse lojtarët e tjerë e mbajnë atë simbolin e lules në fanellë dhe është e gjitha e drejta e tyre për të bërë diçka të tillë. Megjithatë, për mua ka një kuptim tjetër, kuptimin e dikujt që ka humbur njerëz në konflikte.
Ju duhet të kujtoni që unë jam ndjerë i sulmuar kur isha i vogël, vetëm 12 vjeç, pasi Serbia po shkatërrohej nga bombat e hedhura nga NATO në vitin 1999. Aty ka pasur shumë njerëz që kanë humbur jetën, madje edhe fëmijë. E kam pranuar më parë atë yll, por kur e mendova përsëri, kuptova se nuk ishte e drejtë që ta vendosja atë simbol që është krenari e Britanisë, pa ofenduar askënd”, ishte kjo mënyra se si Nemanja Matiç refuzoi simbolin e NATO-s me skuadrën e Manchester United.
Por duket se vendimi i futbollistit serb nuk është pritur mirë nga eprorët dhe futbollistët e tjerë të ekipit anglez. Sipas asaj që zbulon “The Times”, shokët e skuadrës i janë kundërvënë Matiç, për t’i treguar se ky vendim ishte i gabuar. Por gjithsesi futbollisti i Manchester United nuk e ka tërhequr vendimin. Nga ana e United është cilësuar si mungesë respekti ndaj kësaj organizate që ka si qëllim të saj vendosjen e paqes.
