Gjatë ditëve të ardhshme, sinoptikanët parashikojnë se do ketë ulje të ndjeshme të temperaturave, të cilat pritet të bien nën zero gradë celsius.
Moti do të mbizotërohet nga kthjellimet. Temperaturat do të bien ndjeshëm, dhe ajri do të jetë i ftohtë. Edhe fundjava parashikohet e kthjellët, por e ftohtë.
Sipas Meteoalb, ditën e diel do të përballeni me reshje të lehta shiu, si edhe dëborë në zonat malore, ndërsa në Tiranë duhet të presim dhjetorin për të parë reshje dëbore.
Temperaturat minimale do të shkojnë në -6 gradë celsius në zonat malore, ndërsa ato maksimalet parashikohen të jenë 18 gradë celsius, kryesisht në zonat e ulëta dhe bregdetare. Ditët më të ftohta do të jenë e premtja dhe e shtuna.
