Një ngjarje e rëndë ka ndodhur sot në Laknas të Kamzës, ku një i mitur është gjetur pa jetë në një banesë të vjetër të familjes së tij.
Sipas policisë, dyshohet se 13-vjeçari E.D. është vetëvrarë me armën e gjahut të babait të tij.
“Nga këqyrja paraprake e trupit të viktimës nuk janë konstatuar shenja dhune apo dëmtime të tjera të shkaktuara nga ndonjë faktor tjetër, përveç dëmtimeve të shkaktuara nga arma e gjahut”, thuhet ndër të tjera në njoftimin e policisë.
Njoftimi i plotë:
Tiranë
Informacion paraprak
Në lagjen “Laknas” në Kamëz, dyshohet që shtetasi i mitur E.D. 13 vjeç, është vetvrarë me armën e gjahut të babait tij, në një banesë të vjetër në pronësi të familjes së tij.
Nga kqyrja paraprake e trupit të viktimës nuk janë konstatuar shenja dhune apo dëmtime të tjera të shkaktuara nga ndonjë faktor tjetër, përveç dëmtimeve të shkaktuara nga arma e gjahut.
Grupi hetimor në vendngjarje, nën drejtimin e Prokurorit, po hetojnë për zbardhjen e plotë të rrethanave të ngjarjes.
