Deputetët demokratë kanë dalë në mbrojtje të banorëve të “Astirit”, të cilët sot kanë zhvendosur protestën e tyre përballë godinës së Bashkisë së Tiranës.
Deputeti Klevis Balliu i bën thirrje qeverisë, se situata mund të përshkallëzohet nëse nuk dëgjon kërkesën e vetme të banorëve, dëmshpërblimin e banesave me vlerën e tregut. Ai paralajmëroi se situata mund të përshkallëzohet, nëse zëri i tyre nuk do të dëgjohet.
“Qeveria të hapë veshët mirë. Sot kishte vezë, qytetarët nuk dihet çfarë sjellin nesër dhe pasnesër. Por të kompensohen cen më cen për pronat e tyre. Situata mund të përshkallëzohet. Ky popull që paguan për karriget e tyre, sot meriton të marrë përgjigje pse ky shtet u shkatërron shtëpitë.
PD është në mbështetje të atyre që ushtrojnë të drejtën për të protestuar, dhe për të mbrojtur pronat e tyre”, u shpreh Balliu.
https://tiranatoday.com/protestuesit-hedhin-veze-ne-drejtim-te-bashkise-1-vit-me-qira-keto-shkerdta-mbajne-dashnoret/
