Trajneri i Kombëtares së Letonisë, Paolo Nikolato, ka shpallur listën e 25 futbollistëve të ftuar për dy ndeshjet e muajit qershor. Letonia do të përballet më 7 qershor në një miqësore me Azerbajxhanin, të drejtuar nga Fernando Santos, dhe më 10 qershor do të zhvillojë ndeshjen kualifikuese për Kupën e Botës FIFA 2026 ndaj Shqipërisë.
Skuadra ka nisur përgatitjet në stadiumin “Skonto”, ku do të luhen të dyja sfidat. Në listë janë përfshirë katër emra të rinj që vijnë nga përfaqësuesja U21: Kristaps Grabovskis, Bruno Melnis, Glebs Zaleiko dhe Kristers Penkevics, të cilët janë vlerësuar për paraqitjet e tyre të mira në të kaluarën me të rinjtë.
Lista dominohet nga lojtarë të skuadrës së Rigës në kampionatin leton, por përfshin gjithashtu emra që luajnë jashtë vendit, si në Zvicër me Luzernin dhe në Skoci me klubet Aberdin dhe St. Johnstone. Lojtari më i vlefshëm i skuadrës është mbrojtësi Kristers Tobers, pjesë e Aberdinit, me një vlerë tregu prej 1 milion euro.
