Një ditë më parë, presidenti Meta njoftoi me anë të zëdhënësit mos dekretimin e Sandër Lleshit si Ministër i Brendshëm. Në këtë mënyrë, kreu i shtetit krijoi një precedent të munguar në këto vite. Menjëherë zërat që qarkulluan në media ishin për një plan “B” nga ana e Ramës, ku për asnjë arsye ai nuk do të ndryshonte emrin e Sandër Lleshit për postin e Ministrit të Brendshëm.
Kreu i qeverisë pritet të emërojë Sandër Lleshin në detyrën e zëvendësministrit të Brendshëm, por duke i dhënë atributet e një ministri.
Në këtë mënyrë, ministria më e rëndësishme pritet të drejtohet nga një zëvendësministër, dhe jo nga një titullar i dekretuar nga Presidenti, dhe votuar nga Kuvendi.
Duket se Rama është duke kopjuar një skenar të realizuar më herët nga Fatos Nano. Për shkak të përplasjeve të brendshme dhe mes institucioneve, në qeverinë ku ishte kryeministër Nano, kishte disa ministri të cilat drejtoheshin nga zëvendësministra, në mungesë të zgjedhjes së titullarit. I njëjti skenar duket se do të përsëritet sërish.
https://tiranatoday.com/meta-nuk-frikeson-ramen-zbulohet-asi-nen-menge-nga-ana-e-rames-per-ministrin-e-brendshem/
