Dashamir Shehi është “dorëzuar” duke thënë se Basha nuk ka shumë mbështetje, pasi s’ka ka të njëjtin karizëm si Berisha. Ky ishte vlerësimi për kryedemokratin, teksa u pyet në emisionin “Natë me Xhaxhiun”, se përse nuk frymëzon Basha.
Kreu i Lëvizjes për Zhvillim Kombëtar (LZHK), tha më tej se Basha është mjaftueshëm opozitar, mjaftueshëm i ndryshëm e modern për të bërë ndryshimin.
“Nuk është se nuk frymëzon Basha. Por ai është gjëja e re pas 25 vjetësh, pasi nga një krah kemi pasë z.Nano dhe Ramën, dhe nga ana tjetër ka qenë i vetëm Berisha. Tashmë është edhe Basha, i cili është më i ri.
Ai nuk ka të njëjtin karizëm si z.Berisha. Basha është mjaftueshëm opozitar, mjaftueshëm i ndryshëm e mjaftueshëm modern për të bërë ndryshimin. Nuk është se historia nuk përsëritet. Ajo përsëritet, por do kohën e saj”.
Ndërsa u ndal tek varianti i opozitës së zgjeruar, Shehi tha se të zgjeruar quan aleancën me qytetarin.
“E quaj të zgjeruar aleancën me qytetarët. Unë e gjykoj se disa nga analistët, gazetarët, intelektualët, bëjnë shpesh herë më shumë punë se partitë që i shtohen aleancës.
P.sh. z.Plasari i cili nuk ka për të gjuajtur kurrë me gurë xhamat e opozitës, ai është intelektual. Ai është një aset opozitar”, tha Shehi.
