Policia dhe Prokuroria bënë një përmbledhje të operacioneve të kryera përgjatë ditëve të fundit në disa qytete të vendit. Në pranga përfunduan me dhjetëra persona, mes tyre edhe ish-zyrtarë e efektivë policie. Në total u goditën 4 grupe kriminale.
Kështu, autoritetet bënë të mundur zbulimin dhe goditjen e një grupi kriminal. Ai merrej me trafikun e lëndëve narkotike drejt Italisë dhe vende të tjera të BE.
Nga hetimet e shtrira në një periudhë kohore 2-vjeçare, u zbulua se këta persona që zhvillonin aktivitetin në qytete të ndryshme të vendit. Hetimet zbuluan se këta persona kryenin edhe vepra të tjera penale.
Për këtë aktivitet kriminal, prokuroria kërkoi masën arrest me burg për 44 persona, kërkesë e cila u pranua nga gjykata. Po ashtu u kërkua kontrolli i banesave për këta 44 persona, si dhe 22 dy persona të tjerë, të përfshirë në këtë veprimtari kriminale. Autoritetet thanë gjithashtu se janë arritur të provohen 13 episode të trafikimit të lëndëve narkotike të kryera në të gjithë territorin e vendit dhe në Itali.
Pikërisht gjatë këtij hetimi u bë e mundur gjetja dhe sekuestrimi i laboratorit në Kukës. Për këtë episod janë arrestuar disa shtetas shqiptarë dhe të huaj.
Po kështu, gjatë këtij hetimi janë konstatuar dhe raste korrupsioni që çoi në arrestimin e ish-kreut të burgjeve, Arben Çukon.
