Një javë pas ultimatumi i Ramës për kapjen e Klement Balilit, policia është vënë në lëvizje. Por, deri në orët e para të mëngjesit të sotëm ende nuk ka asnjë gjurmë nga “Eskobari i Ballkanit”.
https://tiranatoday.com/rama-ultimatum-per-balilinardi-veliu-mes-dy-zjarreve-ja-lidhja-e-tij-me-super-te-kerkuarin/
Prej tri ditësh, Policia nisi “gjurmimin” e Balilit. Fillimisht me kontrolle në Shkodër, ku ishte informacioni i parë. Ndërsa mbrëmjen e djeshme janë zhvendos në Sarandë.
Gjatë një takimi në Ministrinë e Brendshme me drejtues të Policisë së Shtetit, Kryeministri Edi Rama u kujtoi atyre faktin që Klement Balili nuk ishte arrestuar ende.
Burime nga Policia thanë se forcat speciale RENEA dhe ato FNSH kanë nisur një operacion në fshatin Stjar në Sarandë. Aty dyshohet se fshihet i shumëkërkuari Klement Balili.
Kishte të dhëna se Balili mund të jetë i strehuar në atë zonë, ndërsa ka pasur disa sinjalizime që mund të çojnë në lokalizimin e vendndodhjes se tij.
Por deri në orët e vona, operacioni nuk ka pasur një rezultat konkret në lidhje me arrestimin e personit që konsiderohet si më të kërkuarit në vend.
Rama me datë 15 tetor i përcolli një mesazh kryepolit Ardi Veliu. Kreu i qeverisë i kërkoi arrestimin e Balilit.
Por ka një koinçidencë në këtë mes. Veliu e Balili, mund të themi se janë bashkëfshatarë. Që të dy janë nga Delvina, vendlindjet e tyre janë jo larg njëra-tjetrës.
Pra, Ardi Veliu ka para dhe një sfidë lokale, pasi duhet të gjejë dhe arrestojë një njeri të zonës së tij. Ai duhet të vërë në pranga një delvinjot, më të kërkuarin nga policia./TIRANA TODAY/
