Zëdhënësja e PD, Ina Zhupa, ka denoncuar vendimin e Ramës dhe Veliajt, për të hequr me VKM godinën e Teatrit nga kategoria e zonës së mbrojtur. Meta e riktheu për herë të dytë në Kuvend, ligjin që i hap rrugë shembjes së Teatrit dhe ngritjes së disa kullave në atë zonë. Duket se qeveria dhe kryebashkiaku Veliaj kanë vendosur të mos tërhiqen nga plani i tyre.
“Të gjitha përpjekjet për të shkatërruar Teatrin Kombëtar, e heqin me VKM nga kategoria zona të mbrojtura. Nga sot e kemi godinë pa status, dhe në bazë të planit urbanistik, i hapet rrugë projekteve të ndertimit që ka Rama dhe Veliaj.
Me vendimin nr.582 , date 3.10.2018, Keshilli i Ministrave ka miratuar “Deklarimin e Qendrës Historike të Qytetit të Tiranës dhe percaktimin e zonës mbrojtëse të saj dhe miratimin e planit të ruajtjes”.
Në këtë VKM, Qeveria ka përjashtuar godinën e Teatrit Kombëtar nga zona e qendres histrorike të qytetit, duke mos e vendosur askund në përmbajtjen e VKM.
Godina e Teatrit Kombetar është nxjerr si një godine pa status të trashegimisë kulturore. Ne vendim bashkangjitur edhe harta treguese e zonimit të Qendrës Historike, zonen e mbrojtur dhe zonen arkeologjike, ku duket qarte qe godina e Teatrit Kombetare nuk ekziston ne zonimin e qendres historike.
Qeveria me kete VKM i ka hapur rruge ndertimeve që do të ndodhin në ketë zonë, duke u mbështetur kështu dhe në rregulloren e Planit të Pergjithshem të Bashkisë Tirane, të miratuar nga Keshilli Kombetar i Territorit në 2017. Ku ne nenin 21 te kesaj rregullore, percaktohet që ne ketë zonë lejohet miksimi i kategorive të struktutave të ndryshme si banim, hotele, agro-turizem, qendra tregtare etj.
Pavarësisht që presidenti Meta e ktheu ligjin, pavarësisht antikushtetueshmerisë, pavaresisht protestave te perditshme qytetare, Rama dhe Veliaj vazhdojne planin per ti dhënë Fusha sh.p.k kullat tek trualli i Teatrit Kombëtar.
Bashkengjitur dokumentat zyrtare:
Vendimi i Keshillit Ministrave nr.582 , date 3.10.2018
Harta e miratuar e cila percakton zonen e miratuar si Qender Historike e Qytetit te Tiranes.
Faqe 19 e rregullores se Planit te Pergjithshem Vendore te Bashkise Tirane, ku percaktohet miksimi i ndertimit ne zonat e trashegimise kulturore”.
