Nënkryetari i PD-së, Edi Paloka, ka lëshuar një akuzë mjaft të fortë ndaj kreut të Grupit Parlamentar të PS, Taulant Balla. I ftuar në emisionin “Kjo javë”, në “News 24”, deputeti demokrat tha se posedon fakte se Balla është kallëzuar penalisht, për veprën penale “Përdhunim”, në Laç.
“Taulant Balla është denoncuar për përdhunim. Po të pyesni në Laç, atje jam i sigurt se i dinë mirë detajet për këtë ngjarje”, u shpreh Paloka.
Po ashtu, ai ka denoncuar se në Shkodër, një vajzë është përdhunuar në sy të të fejuarit, dhe rasti nuk është bërë publik, ndërsa paralajmëroi se shumë shpejt do të bëjë edhe ai vetë një padi.
Paloka nuk dha detaje, por tha se ka të bëjë me Komisionin Hetimor.
