Ditën e djeshme me urdhër të Prokurorisë u lëshuan nëntë urdhër-arreste për mjekë dhe drejtues të spitalit në Shkodër. Ish-drejtori i spitalit të Shkodrës së bashku me mjekët dhe farmacistët të këtij institucioni, u arrestuan dhe shpallën në kërkim, pasi në kundërshtim me detyrën i kanë kërkuar Ministrisë së Shëndetësisë materiale të domosdoshme mjekësore për kabinetin e hemodinamikës më shumë sesa kishte nevoja spitali.
Një ndër emrat e personave që u arrestua është edhe mjeku Luan Dragusha, fytyrën e të cilin e mbajmë mend nga postimi i kryeministrit Edi Rama, bërë pak muaj më parë. Ai e tregonte Dragushën si një histori suksesi për shkak se kishte lënë SHBA-në për të ardhur për të punuar si mjek kardiolog në Shkodër. Po kush e mendonte se mjeku do arrestohej disa muaj më vonë, nën akuzën e ‘korrupsionit’.
Sigurisht që eksperienca e marrë në SHBA, e ka ndihmuar Dragushën të ngrihej profesionalisht, po në kushtet sesi funksionon mjekësia në vendin tonë, është detyruar që të bjerë pre e korrupsionit, njësoj si kolegët e tij.
Kështu nga SHBA, mjeku Dragusha jo vetëm që nuk do të mund ta japë kontributin e tij në spital në ndihmë të pacientëve, po duhet të përballet me jetesën brenda qelisë së burgut, shkruan “Fax News”.
‘’Unë në radhë të parë jam shkodran. Jam nga ata shkodranët e vjetër dhe gjithë të afërmit i kam në Shkodër. Pavarësisht se në spitalet private bëhet mjekësi, mendova se në Shkodër do të merrja më tepër sadisfaksion nëse do të trajtoja njerëzit e mi.
Ka shumë që thonë se e duan vendin e tyre, por gjithsesi ikin. Ndoshta këtë vendim e marrin për arsye ekonomike, por unë nuk jam në atë nivel ekonomik për të ikur jashtë. Për mua ka më tepër rëndësi marrja e sodisfaksionit kur mjekoj njerëzit e qytetit tim”, tregonte Dragusha në një intervistë të pak kohëve më parë.
Ndërkohë personat e tjerë që janë arrestuar në Shkodër janë:
1-Arrest me burg si dhe “Pezullimi i ushtrimit të një detyre a shërbimi publik” per Perparim Cela mjek (caktuar dhe ekzekutuar)
2-Arrest me burg dhe “Pezullimi i ushtrimit të një detyre a shërbimi publik” Dh.U (shpallur ne kerkim)
3-Arrest me burg dhe “Pezullimi i ushtrimit të një detyre a shërbimi publik” per Luan Dragusha mjek (caktuar dhe ekzekutuar)
4-Arrest shtepi dhe “Pezullimi i ushtrimit të një detyre a shërbimi publik” per Karmen Kaculini farmaciste (caktuar dhe ekzekutuar)
5-Arrest me burg dhe “Pezullimi i ushtrimit të një detyre a shërbimi publik” per Renato Kepi infermier te hemodinamika (caktuar dhe ekzekutuar)
6-Arrest me burg dhe “Pezullimi i ushtrimit të një detyre a shërbimi publik” per E.S. mjek (shpallur ne kerkim)
7-Arrest ne shtepi dhe “Pezullimi i ushtrimit të një detyre a shërbimi publik” per Amanda Matlija (caktuar dhe ekzekutuar)
8-Arrest shtepie dhe “Pezullimi i ushtrimit të një detyre a shërbimi publik” per Juliana Zhuri (caktuar dhe ekzekutuar)
9-Arrest shtepie dhe “Pezullimi i ushtrimit të një detyre a shërbimi publik” per Albana Mehmetaj (caktuar dhe ekzekutuar).
