Interi është rikthyer në Champions League me një fitore të “çmendur” përballë Tottenhamit. Pesë minuta iu kanë mjaftuar zikaltërve që të përmbysin ndeshjen dhe të fitojnë 2-1 në “San Siro”. Suoergoli i Mauro Icardit dhe goli në minutat shtesë i Vecinos zhvlerësuan atë gol të shënuar në fillim të pjesës së dytë nga Eriksen. Kjo ishte ndeshja e parë e sulmuesit argjentinas, Mauro Icardi në Champions dhe debutoi me një gol të jashtëzakonshëm
Ndeshja nisi me një ritëm të kënaqshëm në një San Siro të mbushur plotë e plotë teksa ishin vendasit ata që kishin lojën në kontroll Tottenham që mendon të mbrohet dhe të kundërsulmojë. Megjithëse Inter ka topin në zotërim për shumicën e kohës, nuk arrin të prodhojë mundësi goli pasi lojtarët e Spalletti-t bëjnë shumë gabime në pasime dhe shpeshherë pozicionohen gabim.
Tottenham nuk depërton dot në mbrojtjen zikaltëre, por kur i jepet një rast për të shënuar e shfrytëzon mjaft mirë. Është Eriksen që zhbllokon takimin në minutat e para të pjesës së dytë që zhbllokon rezultatin..
Mesfushori danez lëshon një predhë nga distanca e cila devijohet nga Handanovic, me topin që shkon përsëri tek Eriksen që me provën e dytë nuk gabon megjithëse topi devijohet duke u bërë i pakapshëm për portierin e Inter.
Por nga hiçi erdhi goli i barazimit me anë të perlës së Mauro Icardi-t nga distanca. Sulmuesi argjentinas godet me të parën një top të krosuar nga e majta duke i dhënë shpresë zikaltërve.
Inter merr zemër dhe në kohën shtesë arrin të përmbysë rezultatin me golin e Vecino nga goditja e këndit.
Ndërkohë Barcelona ka fituar me rezultatin 4-0 pa shumë probleme ndaj holandezëve të PSV. Të besuarit e Ernesto Valverde-s kanë zhvilluar një ndeshje të mirë duke mos rrezikuar asnjëherë fitoren pasi zhbllokoi rezultatin me Messi-n pas gjysmë ore lojë. Sulmuesi argjentinas ka shënuar për të 14-in sezon radhazi në Champions League, duke barazuar legjendën e Real Madrid Raul.
Dhe goli i tij ishte spektakolar nga goditja standarde, që së fundmi i ka kthyer si një penallti. Pas pushimit ishte Dembele ai që shënoi golin e sigurisë në mënyra fantastike pas dribloi tre kundërshtarë dhe Messi vulosi triumfin vetëm dy minuta më pas në të 77-ën. Aspekti i vetëm negativ i vendasve ishte kartoni i kuq i Umtiti pak minuta pas golit të tretë, teksa u ndëshkua nga arbitri me kartonin e dytë të verdhë.
