Dy shqiptarë janë vënë në pranga, pasi janë kapur me një sasi të konsiderueshme droge në Igumenicë. Të arrestuarit janë, Renols Metat Meta, i datëlindjes 1989, lindur në Burrel e banues në Sarandë dhe Jurgen Vladimir Gjonaj 24-vjeç, bëjnë të ditur autoritetet greke. Në makinë e këtij të fundit është gjetur një sasi prej rreth 51 kg kanabis.
Një tjetër person është arrestuar po këtë mëngjes në Igumenicë, në një tjetër aksion policor. Ai është Grisild Ajet Qoku, 30-vjeç nga Delvina. Në mjetin me të cilin lëvizte u gjetën rreth 77 kg kanabis. Nga dy operacione të ndryshme janë sekuestruar mbi 128 kg kanabis.
