Mbrojtësi i Arsenalit, Shkodran Mustafi ka shënuar në përballjen me Cardiffin golin e parë dhe ka festuar duke bërë shqiponjën me duar. Por ky gjest i shqiptarin që luan për kombëtaren gjermane i ka tërbuar serbët dhe është portali i njohur “Kurir” që ka reaguar menjëherë duke e quajtur një gjest skandaloz dhe provokim.
“Një shtetas gjerman festoi golin me një provokim të turpshëm, duke treguar shqiponjën dykrenor shqiptare,” shkruan “Kurir”.
Granit Xhaka dhe Xherdan Shaqiri të cilët i shënuan Serbisë në Botëror pasi luajnë për Zvicrën kanë festuar në të njëjtën mënyrë. Është e rëndësishme të theksojmë se Mustafi pasi shënoi drejtoi gishtin nga Xhaka para festimit skandaloz, sikur donte ta falënderonte për atë asist, përfundon Kurir.
