Shpërthimet me tritol janë kthyer në përditshmëri tashmë për shoqërinë shqiptare.
Një shpërthim ka ndodhur dje në Vlorë. Ngjarja në fjalë është shënuar në lagjen “Isa Boletini”, ku është vendosur lëndë eksplozive në parukerinë e shtetases S. Hoxhaj, banuese në Vlorë.
Nga shpërthimi nuk ka pasur persona të lënduar, por vetëm dëme materiale. Policia ka nisur hetimet, dhe po punon për zbardhjen e ngjarjes.
Po kështu mësohet se janë marrë në pyetje pronarët e parukerisë, ku kanë deklaruar se nuk kanë pasur konflikte.
