Në Selenicë është ditë zie, pas masakrës me 8 viktima. Vendimi në fjalë është marrë nga Këshilli Bashkiak i Selenicës, në nder të viktimave të vrarë. Këshilli Bashkiak ka miratuar në unanimitet vendimet, ku shpalli të hënën ditë zije si dhe vendosi të ndihmojë me 12 milion lekë familjet e viktimave.
Pasditen e së premtes, lajmi i kobshëm për vrasjen e 8 pjesëtarëve të fisit Zykaj bëri jehonë jo vetëm në mediat vendase, por dhe ato ndërkombëtare.
Zykaj u përball paraditen e sotme me irritimin qytetar, sapo zbriti nga makina e policisë.
https://tiranatoday.com/24-vjecari-pritet-me-protesta-denim-me-vdekje-per-kriminelin/
Ai nuk ka bërë asnjë lëvizje, është treguar sërish i ftohtë dhe ka heshtur përballë pyetjes së gazetarëve: Je penduar? Pse nuk flet ore? Pse i vrave? Çfarë ndodhi? Pse i vrave fëmijët?
Ajo çfarë vihet re është se Zykajt nuk i janë hequr prangat nga ana e policisë, ndërsa në pjesën e syrit duket edhe një e nxirë.
Forca të shumta policie kanë blinduar gjykatën. Mësohet se deri më tani, askush prej familjarëve nuk ka shkuar në gjykatë, duke e braktisur.
Pas refuzimit të avokatëve për ta marrë përsipër këtë rast, është caktuar avokati nga shteti, Gentian Leka.
