Serbia ‘boshatis’ Shqipërinë, shifrat e çmendura që shkojnë drejt Beogradit

Dërgesat në para të emigrantëve shqiptarë kanë rënë vitet e fundit për shkak të krizës së Eurozonës. Megjithatë, vendet që kryesojnë listën e dërgesave nga ana e emigrantëve janë Greqia dhe Italia dhe më pas vijnë vendet e tjera të Bashkimit Evropian si dhe remitancat nga Shtetet e Bashkuara të Amerikës.

Të dhënat tregojnë se pesha e vendeve të origjinës në fluksin e remitancave në Shqipëri ka mbetur thuajse konstante gjatë katër viteve të fundit, ku Greqia vazhdon të mbetet burimi kryesor me 44 për qind, ndërsa Italia vjen në vendin e dytë me 36.3 për qind.

Por përveç remitancave hyrëse, janë edhe ato dalëse. Pra, paratë që dalin nga Shqipëria në drejtim të një vendi tjetër.

Sipas Bankës Botërore, në vitin 2017 vlera e remitancave dalëse, dërgesa pa kundërshpërblim, nga vendi ynë drejt një vendi tjetër, kanë shënuar 199 milionë dollarë.

Këto remitanca janë sa 14.3 për qind e dërgesave të emigrantëve shqiptarë nga vendet ku ata punojnë.

Vendi kryesor që përfiton dërgesa nga Shqipëria është Serbia. Nga Shqipëria drejt Serbisë për vitin 2017 janë dërguar 84 milionë dollarë transferta pa kundërshpërblim.Kjo vlerë është sa 42.2 për qind të totalit, të remitancave që kanë dalë nga Shqipëria. Në vendin e dytë vjen Kroacia me 32 milionë dollarë ose 16 për qind të totalit dhe më pas Bosnja dhe Greqia respektivisht me 15 dhe 12 për qind të totalit.

Studimi i OPEN DATA: Hulumtimi është kryer me baza vjetore për periudhën 2002-2017. Këto transferta ndryshe njihen si dërgesa të emigrantëve ose remitanca. Ato si një komponent thelbësor në llogarinë korrente të Bilancit të Pagesave kanë një rol të rëndësishëm në nivelin e të ardhurave, në cilësinë dhe standardin e jetesës apo në ekonominë e vendit përfitues. Të dhënat për hulumtim janë marrë nga databaza e Bankës Botërore BB.

Në fund të vitit 2017, sipas Bankës Botërore, dërgesat e emigrantëve shqiptarë për familjet e tyre qëndrojnë në vlerën një miliard e treqind e tetëdhjetë e dy milion dollarë amerikan. Krahasuar me vitin pararendës 2016 shënohet rritje prej 5.8 për qind.

Duke filluar nga viti 2002, remitancat të dërguara në Shqipëri paraqiten sipas grafikut (në milion USD).

Veç remitancave hyrëse, pra ato çka dërgohen drejt Shqipërisë, janë edhe remitancat dalëse, dërgesa parash nga Shqipëria në drejtim të një vendi tjetër. Në vitin 2017 vlera e remitancave dalëse, dërgesa pa kundërshpërblim nga vendi ynë drejt një vendi tjetër, sipas BB shënoi vlerën njëqind e nëntëdhjetë e nëntë milionë dollarë. Remitancat dalësi janë sa 14.3 për qind e remitancave hyrëse.Para drejt Serbisë: Vendi kryesor që përfiton dërgesa nga Shqipëria është Serbia. Nga Shqipëria drejt Serbisë për vitin 2017 janë dërguar tetëdhjetë e katër milionë dollarë transferta pa kundërshpërblim. Kjo vlerë është sa 42.2 për qind të totalit, të remitancave që kanë dalë nga Shqipëria. Në vendin e dytë vjen Kroacia me tridhjetë e dy milionë dollarë ose 16 për qind të totalit dhe më pas Bosnja dhe Greqia respektivisht me 15 dhe 12 për qind të totalit.