Një gazetar me origjinë shqiptare, por që punon për median prestigjioze Associated Press, një ditë më parë nuk është lejuar që të marrë pjesë për të mbuluar vizitën Princ Williamit të Britanisë në rezidencën zyrtare të kryeministrit Netanjahu, pasi agjentët izraelitë të sigurisë e morën në pyetje për fenë dhe përkatësinë etnike.
Nebi Qena, një gazetarë i televizionit AP për Izraelin dhe territoret palestineze, u mbajt në hyrje të ndërtesës për 45 minuta, duke e detyruar atë të humbasë ngjarjen, ndërsa gazetarëve e tjerë u lejuan të hynin. Zyra e Netanjahut më vonë kërkoi falje, duke e cituar rastin si “gabimin njerëzor”.
Qena është një shqiptar nga Kosova. Ai 10 vjet që punon për 10 vjet, ku për 3 vjet ka punuar në Jerusalem.
Ai tha se ai u pyet në mënyrë të përsëritur nga rojet e sigurisë lidhur me “origjinën etnike” të tij. Kolegët e AP, në vendngjarje dhe në zyrën e Jerusalemit, u pyetën nga ndihmësit e Netanyahu rreth fesë së Qenas dhe nëse ai ishte mysliman ndërsa ata u përpoqën të siguronin që ai të hynte.
Shoqata e Shtypit të Jashtëm në Izrael akuzoi Zyrën e Kryeministrit për “profilizim të hapur etnik”, duke thënë se një gazetar shqiptar u pengua që të mbulonte takimin e Princit William me Kryeministrin Netanjahu për dyshimet e prejardhjes myslimane.
“Gazetari ndërkombëtar dhe i akredituar në Izrael për tre vjet, u pyet vazhdimisht nga rojet e sigurisë dhe vazhdimit kërkohej që ai të nxirrej jashtë, ndërsa edhe kolegët e tij u pyetën për fenë dhe nëse ai ishte ‘mysliman’, tha FPA në një deklaratë.
“Shoqata e Shtypit të Jashtëm dënon këtë sjellje të turpshme dhe të padepërtueshme nga stafi i sigurisë së kryeministrit,” –thuhej më tej në deklaratë.
Ai ishte regjistruar paraprakisht që të merrte pjesë në ngjarje , por siguria nuk e lejoi që të hynte.
“Ne i bëjmë thirrje zyrës së kryeministrit që menjëherë të kërkojë falje dhe t’i kërkojë zyrës së Dukës së Kembrixhit të flasë kundër kësaj sjellje ofensive, e cila ka dëmtuar një vizitë historike”, tha FPA.
Zyra e Netanjahut më vonë kërkoi falje, duke e shpjeguar atë si “gabim njerëzor”.
Burimi: Hamodia.com
Përshtati: Tirana Today
