Në mbledhjen e sotme të Komisionit të Kulturës, janë disa artistë të cilët kundërshtojnë projektligjin për shembjen e Teatrit Kombëtar.
Në vend të dëgjesës me ministren e Kulturës Mirela Kumbaron, e cila kishte lajmëruar se nuk do të ishte ketë jave, por javën tjetër për të dhënë shpjegime për projektligjin e posaçëm që shemb teatrin dhe parashikon aty ndërtimin e kullave, në dëgjese janë artistet e mes tyre edhe Robert Ndrenika. Ata kanë hartuar një letër publike drejtuar Presidentit të vendit dhe zyrtareve të tjerë shtetërore.
Ne fjalën e saj, kryetarja e Komisionit, deputetja Albana Vokshi tha: “Skandali më i madh që gjithë pjesa e sipërfaqes së tokës së teatrit do të jepet sipas termave të përcaktuar do i jepet privatit. Bojkoti është një shenjë shumë e keqe, do e konsideroja një grusht shteti institucional. I kemi bërë thirrje kryeministrit të marrë masa për ministrat që nuk vijnë në komision, në shkelje të Kushtetutës, të marrë masa për deputetet që bojkotojnë seancat e Kuvendit. Përderisa ministrja ka refuzuar që të vijë ka shprehur gatishmërinë të paraqitet në datat 19 dhe 20, pas një jave, doja të njoftoja mbledhjen tjetër në datë 19 dhe do propozoja që të mos bëhet këtu por në ambientet e Teatrit ku të gjithë ju do keni mundësi të dëgjoni shkëmbimin e mendimeve rreth këtij projekti në këndvështrimin tonë mafioz”.
Ndërsa artisti Robert Ndrenika duke folur i rebeluar ka kërkuar ndje për tonin dhe gjuhën e përdorur ku është shprehur se: “Ne të vërtetë ajo është tokë shtetërore, por ajo i ka thërpyer një komuniteti. Shumë njerëz aty kanë lënë kockat. Me keqardhje por këtu fillon lufta, s’na dëgjon kush, s’na përfill, na përbuzin, na braktisin, jo vetëm ne si komunitet por edhe ju po ju mashtrojnë, kjo është grabitje, ka 20 vjet kjo tentativë për grabitje. Ajo tokë vërtet është e shtetit por është e komunitetit teatror, kanë lënë kockat njerëzit atje, e të vijë një ta grabisni…më falni për tonin por beto fjalë i kam nga shpirti…”.
“E ndiejmë veten të tradhtuar e s’mund te futemi në asnjë dialog që parashikon shembjen e Teatrit kombëtar, është projektligj arbitrar…
Nëse nuk do kemi përgjigje deri te premten, trupa teatrore, artistët legjitimohemi të uzurpojmë godinën si të vetmen formë që zëri ynë të dëgjohet. Urojmë në mirëkuptimin tuaj dhe jemi në pritje të një përgjigje”, thuhej ndër të tjera në letrën e hapur.
