Pas protestave me të cilat kryeministri Rama u prit në Elbasan, ku mori pjesë në panairin e punës, Rama është mbrojtur nga forca të shumta policore.
Të paktën kështu pretendon Partia Demokratike e cila sipas saj, dhjetëra forca policore po ruajnë Edi Ramën në Cërrik.
Në videon e mëposhtme duken se si qytetarët janë duke protestuar paqësisht me kordonin e policisë që ndan protestuesit nga takimi i Ramës me administratën.
(FOTO+VIDEO) Elbasan/PD pret Ramën: Poshtë Pashallarët e Krimit! Çmendet policia
Deputetë të Partisë Demokratike dhe aktivistë të saj kanë pritur me pankarta kryeministrin Rama në qytetin e Elbasanit. Pankartat që mbanin mbishkrimet: Poshtë Pashallarët e Krimit kanë tërbuar policinë e cila ka ndërhyrë për të hequr pankartat duke u përplasur me aktivistët e PD-së.
Njoftimi i Partisë Demokratike:
Demokratët presin me protesta Ramën në Elbasan, por policia e shtetit sillet si polici private dhe tenton të sekuestrojë pankartat kundër Edi Ramës.
Takimi i parë i Edi Ramës në Elbasan duhet të niste në Prefekturë, por për shkak të protestuesve demokratë, ai ndryshoi drejtim për tek Kalaja. Protestuesit me pankartat që e cilësojnë Ramën si Pasha të Drogës, e kanë ndjekur edhe aty.
Por policia,në shkelje të ligjit, siç shihet në video, ka ndërhyrë për të larguar protestuesit nga Edi Rama. Në një akt të paprecedentë, policët kanë tentuar t’u marrin atyre pankartat. Protestuesit demokratë nuk janë tërhequr dhe e sigurt është se turi i Ramës në qarkun e Elbasanit sot nuk do të jetë i qetë.
