Champions League është kompeticioni më i rëndësishëm europian, ku lufta mes ekipeve është mjaft e ashpër. UEFA së fundmi ka miratuar disa ndryshime rrënjësore për ta bërë më të konkurueshëm këtë kompeticion, duke u dhënë disa mundësi më shumë ekipeve për të arritur sa më lart. Është vendosur që të ndërhyhet në numrin e zëvendësimeve, oraret e ndeshjeve, lista e pjesëmarrësve do të ndryshojë dhe në pankinë do të ketë një numër më të madh lojtarësh.
Këto ndryshime do të vihen në jetë që në sezonin 2018-2019 të Championsit. Nuk dihet nëse ka ndikuar triumfi i tretë radhas i Real Madridit dhe i katërti në pesë vitet e fundit, që ka detyruar UEFA-n të bëjë ndryshime në garën më të luftuar europiane.
KATËR ZËVËNDËSIME: Nga sezoni i ri trajnerët do kenë mundësi të bëjnë tashmë jo më tre por katër zëvendësime. Kujdes, vlen vetëm për ndeshjet me eliminim direkt dhe në rastin nëse ndeshja shkon me shtesa.
PANKINA E GJATË: Ashtu si dhe në Serie A, trajnerët do kenë mundësi të kenë në dispozicion gjatë ndeshjes një numër më të madh lojtarësh. Nga 18 numri është bërë 23.
ORARET E NDESHJEVE: E mbani mënd që ndeshjet e Championsit fillonin në 20:45? Epo harrojeni! Ndeshjet do luhen në dy orare, në 21:00 dhe dy ndeshje në 18:55 (?!) dy të martën dhe dy të mërkurën. Ndeshjet e fundit në grupe do luhen në të njëjtin orar.
LISTA CHAMPIONS: Përsa i përket listës Champions, mbas fazës së grupeve të Champions League dhe të Europa League, një klub mund të shtojë në skuadër tre lojtarë të rinj pa asnjë përjashtim ekstra (Mesa kuptohet nuk vlen më rregulli që nëse një lojtar ka luajtur me x ekip nuk mund të luaj më me ekipin e tij të ri).
PRANIMI: Skuadrat që do hyjnë direkt në fazën e grupeve të UEFA Champions League do jenë 26 bashkë me dy të kualifikuarat nga Champions dhe Europa League.
