Gjykata e Tiranës ka pranuar kërkesës për urdhër-arresti ndaj tre personave të akuzuar pas vrasjes së Marvi Mihalit për një karikues celulari tek stadiumi “Dinamo”.
Rreth dy javë më parë, Gjykata la të lirë 3 të akuzuarit e arrestuar pas vrasjes, Marsel Allën, Kridens Allën dhe Eugen Bitraj.
Por ky vendim u ndesh me reagimin e nënës së Marvit, i cili u vra me thikë në korrik të vitit 2017. Me akuza të forta ndaj prokurorit shpërtheu edhe i ati i të riut pas lirimit të vrasësve të të birit, duke bërë edhe padi.
Por sot, kanë ndryshuar akuzat ndaj 3 të të rinjve, nga “moskallëzim krimi” në “vrasje në bashkëpunim”.
Devi Bitraj akuzohet për vrasje me paramendim, ndërkohë që tre të tjerët u akuzuan vetëm për moskallëzim krimi.
Ngjarja
Sipas hetimeve, Marvi Mihali, atë ditë, ishte telefonuar nga shoku i tij, i cili i kërkonte ta shoqëronte në një takim me disa djem, që u kishte shitur një telefon. Ai i kërkoi Marvi Mihalit që ta shoqëronte në momentin që do t’i dorëzonte karikuesin.
Më 11 maj, ata u lanë të lirë nga Gjykata e Tiranës. Lirimi i tre prej të akuzuarve solli edhe reagimin e ashpër të nënës së Marvi Mihalit nëpërmjet rrjeteve sociale. Reagimi i ndjerë i Mira Mihalit solli edhe lëvizjen e shpejtë të autoriteteve. Menjëherë, dosja për vrasjen e Marvi Mihalit kaloi në duart e një prokurori tjetër. Dhjetë ditë pas lirimit të tre të pandehurve, prokurori Gjergj Tako vendos të ndryshojë veprat penale për të liruarit, nga “moskallëzim krimi” në “vrasje e kryer në bashkëpunim”. Ai kështu kërkon që Eugen Bitraj, Kridens Alla dhe Marsel Alla të vihen pas hekurave. Për këtë ka prova të mjaftueshme që vrasja ishte në bashkëpunim.
Edhe pse Marvi refuzoi disa herë ta shoqëronte mikun e tij, në fund fare, pas insistimit të tij, pranoi të shkonte me të. Pika e takimit ishte në afërsi të stadiumit “Dinamo”. Mirëpo, në kampin tjetër, kushërinjtë Bitraj dhe Alla kishin përgatitur një pritë ndaj të rinjve. Pas shitjes së telefonit kishte pasur një konflikt mes shokut të Mihalit dhe blerësit të telefonit. Në momentin që Mihali dhe miku i tij janë afruar në pikën e takimit, ka nisur edhe sulmi fizik. Mihali është qëlluar me thikë pas shpine dhe rrahur deri në vdekje, ndërkohë që asnjë kalimtar i rastit nuk ka ndërhyrë t’i ndajë.
Pas ngjarjes, Policia arrestoi Dejvi Bitrajn, Eugen Bitrajn, Kridens Allën dhe Marsel Allën, për ngjarjen që tronditi kryeqytetin. Hetimet më pas vijuan për ngjarjen me shumë kontradikta. Një herë u tha se ishte Eugen Bitraj ai që qëlloi me thikë ndaj Marvi Mihalit, më pas doli se autor i goditjes ishte Dejvi Bitraj.
Edhe pse hetimet janë zgjatur shumë për një ngjarje që u filmua e gjitha nga kamerat e sigurisë, prokurori i Tiranës, Artan Lulaj, ndryshoi akuzat për katër të pandehurit. Ai ngriti akuzë për vrasje vetëm për Dejvi Bitrajn, ndërsa për tre të tjerët ngriti akuzën e “moskallëzimit të krimit”. Ky ndryshim akuzash, ende pa shkuar dosja për gjykim, bëri që të kërkohej lirimi i Eugen Bitrajt, Kridens Allës dhe Marsel Allës.
Më 11 maj, ata u lanë të lirë nga Gjykata e Tiranës. Lirimi i tre prej të akuzuarve solli edhe reagimin e ashpër të nënës së Marvi Mihalit nëpërmjet rrjeteve sociale. Reagimi i ndjerë i Mira Mihalit solli edhe lëvizjen e shpejtë të autoriteteve. Menjëherë, dosja për vrasjen e Marvi Mihalit kaloi në duart e një prokurori tjetër. Dhjetë ditë pas lirimit të tre të pandehurve, prokurori Gjergj Tako vendos të ndryshojë veprat penale për të liruarit, nga “moskallëzim krimi” në “vrasje e kryer në bashkëpunim”. Ai kështu kërkon që Eugen Bitraj, Kridens Alla dhe Marsel Alla të vihen pas hekurave. Për këtë ka prova të mjaftueshme që vrasja ishte në bashkëpunim.
Të shikosh vrasësit e birit të vetëm pa akuzë, të lirë në sallën e gjyqit dhe tek i shihja më dilte parasysh videoja e ngjarjes, shkelmat e tyre mbi trupin e djalit tim. Sa më e madhe se kaq duhet të jetë dhimbja…”, shkruante në FB Mira Mihali, nëna e Marvi Mihalit.
