Kryetarja e Lëvizjes Socialiste për Integrim, Monika Kryemadhi duke folur mbi zhvillimet e fundit politike theksoi se parlamentarizmi ka vdekur. Ndërsa la të kuptohet se opozita mund të djegë mandatet, pasi tani e tutje sipas saj, drejtësinë do ta vendosin qytetarët shqiptarë.
Duke folur jashtë ambienteve të Kuvendit, mbi mbrojtjen që i bëri kryeministri Xhafajt mbi skandalit e vëllait të këtij të fundit, Kryemadhi tha se Ramës i ka hyrë frika në palcë. Ndërsa tani, sipas saj, Rama është me brekë nëpër këmbë dhe se për të nuk ka rrugë tjetër veç burgut.
Monika Kryemadhi: Rama ka frikë nga përballja me drejtësinë. Koha e drejtësisë po vjen, nuk vjen as nga Marku as nga Prela por do të vijë nga populli. Dita e sotme tregon kapjen e çdo qelize dhe çdo segmenti politik dhe ekonomik. Sot pas 27 vitesh i gjithë ky institucion është marrë peng. Parlamentarizmi pothuajse ka vdekur. Ju e keni parë vetë se si I mbyllet goja e opozitës. Populli do ta marrë vetë në dorë situatën dhe do të vendosë drejtësi pasi asnjë shqiptar do të lejojë që të cenojë fëmijët e tyre dhe t’u marrë kafshatën e gojës. Kush nga ju do të pranojë që fëmijëve në shkolla t’u shitet drogë. Ai do të përballet ditë pas dite me drejtësinë.
Ishte ai që e nxori dhe e regjistroi videon Fatmir Xhafajn, për ta shantazhuar atë. Ndërkohë doli këtej dhe mbrojti Fatmir Xhafaj. Vetëm duke u larguar Edi Rama hapen negociatat dhe integrimin në BE. Për çfarë vlen mandati në këtë situatë?!
Audiopërgjimi është i thjeshtë dhe për të cilin nuk kam asnjë lloj dyshimi që ai është i vërtetë. Problemi është që vëllezërit e ministrave dhe kryeministrave a po pasurohen në kurriz të shqiptarëve dhe a po përdorin institucionet shqiptare për t’u pasuruar.
Fajtori kryesor është Edi Rama dhe ai që duhet të shkojë në burg. Ne jemi mes diktaturës dhe krimit të organizuar.
Ndoshta dikur Edi Rama ishte më i pushtetshëm, ndërsa sot është aq i dobët sa po qeveris me brekë nëpër këmbë.
