Një histori që trondit botën e futbollit vjen nga Arabia Saudite. Është pikërisht një arbitër i zgjedhur nga FIFA që i ka kërkuar ryshfet presidentit të klubit që ekipi i tij të dilte me fitore nga fusha e lojës. Bëhet fjalë për Fahad Al-Mirdasi, i cili do të gjykonte edhe në Botërorin e Rusisë.
Ky arbitër ishte përcaktuar të gjykonte finalen e kupës së Arabisë Aaudite midis Al Itihadit dhe Al Faisalit, por tashmë e gjen veten të përjashtuar përjetësisht nga gjykimi për korrupsion. Al-Mirdasi është përpjekur të fiksonte ndeshje e rëndësishme, por i shkoi keq.
Finalen e Kupës së Arabisë Saudite e ka gjykuar në fakt anglezi Mark Clatenburg, sepse, siç bën me dije Federata Arabe e Futbollit, mbrëmjen e 11 majit, arbitrit Al-Mirdasi ka kontaktuar në “WhatsApp” presidentin e Al Itihadit dhe i ka premtuar fitoren kundrejt një pagese. Presidenti i Al Itihadit nuk është joshur nga oferta e arbitrit, por u ka bërë të ditur gjithçka autoriteteve të federatës, të cilët kanë vlerësuar veprimin e presidentit dhe e kanë falënderuar për shembullin e mirë që ka dhënë për botën e futbollit.
Autoritetet në Arabi i kanë konfiskuar celularin arbitrit në fjalë, duke kërkuar konfirmimin e fundit, por nuk ishte shumë e nevojshme, sepse vetë i akuzuari ka pranuar gjithçka. Përveç pasojave të rënda ligjore, për arbitrin ka pësoja shumë të rënda edhe profesionale, sepse ai është përjashtuar përjetësisht nga gjykimi. Dhe ndoshta është pak.
Al-Mirdasi do të shkonte në Rusi për të arbitruar dhe kishte mundësinë për ta rritur shumë prestigjin e tij, por 35-vjeçari tashmë ka humbur gjithçka. Ndoshta ishte shumë i ri për të gjykuar në Botëror. Rrezikoi gjithçka dhe mori atë që meritonte.
