Në parlamentin grek sot është diskutuar miratimi i Memorandumit të Bashkëpunimit të dy ministrive të Jashtme për përshpejtimin e procedurave të integrimit të Shqipërisë në BE.
Duhet theksuar se ky Memorandumi i Bashkëpunimit mori vota pro nga partitë Siriza, Anel,Potami, ndërsa kundër u shprehën deputetët e ekstremistëve të Agimit të Artë.
Madje, deputeti Ilias Kasidiaris nuk ka ngurruar të shprehë qëndrimin e tij racist, duke u referuar edhe tek pjesëmarrja e Eleni Fureira në Eurovizion.
“E shikoni kush janë shqiptarët? Merrni rastin e Eurovizionit, reklamojmë një këngëtare që nuk thoshte se ishte shqiptare, e të gjithë këta lamashët futbollistë e këngëtarë sapo bëjnë para fillojnë të veshin bluzat e UCK, e të bëjnë simbolet e Shqipërisë së Madhe. Le të shkojnë aty ku ishin askushi e nuk kishin këpucë në këmbë. Asnjë bisedë për shqiptarët, asnjë negociatë, derisa të ndalojë politika antigreke e qeverisë shqiptare. Agimi i Artë kërkon veton greke për të mos vijuar asnjë diskutim me sistemin Rama për integrim në BE”, kështu është shprehur sot deputeti i Agimit të Artë në parlamentin grek.
Ky qëndrim i ashpër i Kasidiarisit ka bëjë bujë në median vendase, shumica e të cilave nuk kanë ngurruar ta dënojnë haptazi.
