Një numër i madh të arrestuarish kanë përfunduar përpara autoriteteve të drejtësisë italiane të akuzuar për një sërë akuzash. Dosja e operacionit të madh kundër trafikimit të drogës, mes klaneve mafioze siciliane dhe Cosa Nostra në Itali tashmë do të gjakohet. Ndërsa Gjykata ka kërkuar dënime të ashpra për anëtarët e bandës kriminale, shkruan catania.livesicilia.it.
Në mesin e të arrestuarve janë edhe dy shqiptarët , Erson Zhuka dhe Ermir Baja. Ndaj tyre, sipas mediave italiane, janë kërkuar dënime me 18 vite burg për Erson Zhukën dhe me 12 vite burg për Ermir Baja.
Ndaj tyre rendon akuza e pjesëmarrjes në aktivitet mafioz, trafik ndërkombëtar droge, realizuar mes vendit tone, Shqipërisë dhe Italisë, specifikisht provincave te Katanais, Raguzës e Sirakuzës.
Por, nga ana tjetër emri i Zhukes nuk është i panjohur për drejtësinë, pasi ai u cilësua si njeriu kyç, arrestimi i të cilit, çoi ne zbulimin dhe kapjen e bandës se Moisi Habilajt dhe rrjetit te tij te fortë të trafikut te drogës nga Shqipëria ne Itali.
Arrestimi i Zhukes zbuloi bandën e Habilajt
Autoritetet italiane të drejtësisë, duke filluar nga vitit 2013 e në vazhdim, hetuan shtetasit Moisi Habilaj, Nezar Seiti etj… si dhe bashkëpunëtorët e tyre si anëtarë të një grupi kriminal në fushën e trafikimit të narkotikëve. Në kuadër të këtij hetimi, u bë i mundur sekuestrimi, së fundmi, i sasisë prej 3.5 tonëve lëndë narkotike e llojit kanabis sativa, arrestimi me cilësinë e të dyshuarit të shtetasve Moisi Habilajt etj dhe shpallja në kërkim ndërkombëtar e shtetasit Nezar Seiti.
Shtetasi Moisi Habilaj, së bashku me shtetasit Nezar Seiti, Florian Habilaj, Metan Matani etj., që nga prilli 2017 e në vazhdim, u hetuan nga Prokuroria pranë kësaj Gjykate për veprën penale të trafikimit të narkotikëve. Hetimet e autoriteteve të drejtësisë italiane e kishin fillesën e tyre te një veprimtari hetimore, e kryer në kuadër të operacionit “Odessa 2012” ndaj një organizate të degëzuar kriminale, që merrej me trafikimin ndërkombëtar të lëndëve narkotike, kryesisht kanabis në aksin Shqipëri-Itali.
Nga hetimet e kryera ndaj shtetasit shqiptar Erson Zhuka, element kyç i organizatës që operonte në territorin e Raguzës, kishin rezultuar kontakte të shumta me bashkatdhetarin e tij, shtetasin Moisi Habilaj.
Mbi këtë fakt, ndaj Moisi Habilajt, filloi përdorimi i mjeteve teknike të hetimit dhe rezultoi se ai ishte importues me shumicë i lëndëve narkotike që vinin nga Shqipëria.
Në aktivitetin e tij, Moisiu ndihmohej nga shtetasi shqiptar i thirrur “Daja” dhe që është identifikuar si Sabaudin Çelaj. Përgjimi i komunikimeve të numrave telefonikë në përdorim të Moisi Habilaj dhe Sabaudin Çelajt, mundësoi identifikimin e subjekteve të tjera që bënin pjesë në këtë organizatë.
