Ish-futbollisti i Atletico Madrid dhe Barcelona, Arda Turan, ka dalë nga vetja në barazimin 1-1 mes Basaksehir-Sivasspor dhe i është sulur arbitrit. Në garën e ethshme për titullin kampion në Turqi, ku katër ekipe ndahen nga katër pikë, Basaksehir kishte nevojë për fitore dhe kryesonte 1-0 deri në minutën e fundit, pavarësisht se kishte një futbollist më pak në fushën e lojës.
Megjithatë, braziliani i mirënjohur Robinho barazoi për miqtë dhe në një moment nervozizmi, Turan e shtyu gjyqtarin anësor duke marrë një karton të kuq që praktikisht e ka mbyllur para kohe sezonin e tij.
