Një familje shqiptare po hap një restorant të ri në Lincoln. Café Imo do të hapet herët këtë verë në rrugën 616 Woodlawn Road, duke ofruar mëngjesin, drekën dhe darkën, në shtatë ditë në javë, në ndërtesën që më parë ishte Hibachi Grill Buffet.
Restoranti është biznesi i tretë në pronësi të familjes Balazi.
Pronari Imo Balazi, 58 vjeç, është i mirënjohur në Farmer City për recetat e stilit amerikan që shërben në restorantin Café Imo ku ai dhe familja e tij kanë punuar për 18 vitet e fundit.
Balazi punon së bashku me pesë vëllezërit, një motër, gruan e tij dhe katër fëmijë për të kultivuar atmosferën e një restoranti të vërtetë familjar. “Ne përpiqemi t’i bëjmë njerëzit të ndihen si në shtëpi, sepse ata nuk vijnë vetëm për ushqim të mirë, ata ndihen rehat dhe mirëpriten,” tha ai.
Balazi i ka kaluar javë të fundit duke punuar me kontraktorët për të përfunduar plotësisht ndërtesën dhe për të rindërtuar dhomën e kuzhinës dhe ngrënies. “Çdo gjë është tërësisht e re nga dyshemeja në tavan dhe ne jemi duke u siguruar se është bërë mirë.”
Restauruesi tha të mërkurën se ai u shpërngul nga Maqedonia për në Shtetet e Bashkuara fillim të viteve 1980, për një jetë më të mirë.
Balazi zgjodhi vendndodhjen në rrugën Woodlaën sepse e dinte që Lincoln ishte një komunitet që do ushqim të mirë dhe mendonte se hapësira kishte shumë potencial. “Po kaloja dhe pashë ndërtesën dhe mendova, që mund të ishte një vend i përsosur “, tha ai.
Ky restorant do të mbajë emrin e tij. Familja së shpejti do të ketë një shtëpi të dytë në qytet dhe pret që të ketë një investim afatgjatë në komunitet.
Për momentin, Balazi, thjesht është i ngazëllyer për të ndarë recetat e familjes së tij (me specialitete të tilla si lazanja, peshku, supë shtëpi, pulë,etj) ndërsa përgatiten për të hapur biznesin e ri në Lincoln. TIRANA TODAY
