Deri tani në botë janë bërë publike rastet e tri vajzave gjarpër. Rasti më i fundit është i Vedika Gupta, 13vjece nga India, e cila vuan nga çrregullimi gjenetik ‘ihtisyse’, kjo sëmundje e ka “mbyllur” atë në dhomën e saj të gjumit.
Vedika është detyruar të jetojë ndryshe nga të tjerët për shkak të një gjendjeje të rrallë që e bën lëkurën e saj të rrjedh gjak sa herë ekspozohet ndaj dritës së diellit.
Në një intervistë për Dailymail, ajo tha: “Gjithçka që mund të bëj është të shoh fëmijët e moshës sime që luajnë dhe gëzojnë jetën e tyre. Unë shpesh pyes veten se pse i jam nënshtruar këtij lloj ndëshkimi nga Perëndia. Çfarë mëkati kam kryer për të vuajtur kështu?”
Por Vediak nuk është rast unikal, deri tani janë publikuar edhe dy raste të tjera të “vajzave gjarpër”.
Floraine Nalugon kishte fituar epitetin e “vajzës gjarpër”, dhe për shkak të kësaj sëmundje të rrallë. 17-vjeçarja Floraine nga Bukindoni i Filipineve detyrohet vazhdimisht të lyen trupin me kremra për t’i mbuluar larat që i shfaqen në trup.
“Qysh kur isha fëmijë, bashkëmoshatarët talleshin me mua dhe vazhdimisht më thoshin se më kanë sjellë në jetë peshqit, pasi i kam ngjyrat e një peshku. Kjo më ka lënduar shumë, por prindërit vazhdimisht më kanë inkurajuar që të bëjë një jetë normale”, ka deklaruar Floraine.
Shalini Yadav, 16 vjeç, vuan nga Erythroderma, një sëmundje inflamatore e lëkurës e cila njihet edhe me emrin “sindroma e njeriut të kuq”. Për fat të keq, për momentin mjekët janë të paaftë për ta trajtuar. Vajza është e detyruar të zhytet në ujë çdo një orë dhe të lyhet me krem zbutës çdo tre orë për të parandaluar që copat e lëkurës të zmadhohen dhe të bien në tokë. Por familja e saj e përbërë nga tetë persona është e pamundur për të përballuar koston e blerjes së kremit dhe për këtë ajo është detyruar që të heqë lëkurën e saj çdo 45 ditë që kur ka lindur. Tashmë ajo është përjashtuar edhe nga shkolla sepse bashkëmoshatarët e saj janë të frikësuar kur e shohin për shkak se ajo duket si një gjarpër.
