Zlatan Ibrahimovic është duke kaluar një moment fantastik në aventurën e re në Shtetet e Bashkuara të Amerikës, me skuadrën Los Angeles Galaxy. Transferimi i tij nga Manchester United ka sjellë një entuziazëm të madh në kampionatin amerikan të futbollit (MLS) dhe në mediat amerikane.
Prej disa ditësh, Ibra është i zënë me intervista të shumta nëpër programe televizive dhe radiofonike. Në njërën prej tyre, futbollisti suedez u pyet se sa i famshëm ishte në atdheun e tij. Përgjigjja ishte tipike e Ibrës: “Nuk mund ta masësh famën time. Unë nuk jam nga Suedia, unë jam Suedia”.
