Kryeministri Edi Rama i ka përdorur shpesh taksistët si një matës të perceptimit publik ndaj qeverisjes. Për këtë arsye, ai është shprehur se ashtu si në kohën kur ishte kryetar i Bashkisë së Tiranës por edhe pas ngjitjes në Kryeministri pas vitit 2013, nëse donte të dinte se ç’mendojnë njerëzit për të, ai niste një komunikim të hapur me ndonjë taksist të rastit në kryeqytet.
https://tiranatoday.com/mire-nje-djep-bosh-se-nje-djall-brenda-rama-mesazh-para-hapjes-se-negociatave/
Duke njohur këtë “traditë komunikimi” të Edi Ramës për të matur perceptimin e tij publik, revista prestigjioze amerikane Forbes, i ka kushtuar një artikull të veçantë kryeministrit Rama, me titull: Një vend i pazakontë me një lidership të çuditshëm. Tani kërkon t’i bashkohet Europës.
Forbes përshkruan rrugëtimin e Shqipërisë drejt Bashkimit Evropian, reformat dhe ndalet te kreu i ekzekutivit. Për këtë të fundit, konstaton gjithashtu se cila do të jetë jeta e tij e “tretë” pas asaj politike, por edhe kush do të jetë pasardhësi i tij, shkruan Tirana Today
Fronin kryeministror, Rama duket se ia ka prenotuar prej kohësh Erion Veliajt, pasi Saimir Tahiri me shumë gjasa do ta shohë me “dylbi” karrigen e kryeministrit.
https://tiranatoday.com/revista-amerikane-cdo-beje-rama-kur-te-terhiqet-nga-politika-kush-behet-kryeminister/
Megjithatë, revista amerikane trajton panoramën dhe gjendjen politike në vend, si dhe zemërimin qytetar ndaj kryeministrit, i cili u pasua nga mielli dhe vezët e opozitës në Parlament.
Për këtë arsye, Forbes konstaton se 3 milionë shqiptarëve iu ka ardhur në majë të hundës me Edi Ramën. Ndërsa pyet taksistët, tregtarët në kryeqytet dhe njerëz të ndryshëm, të gjithë kanë një përgjigje: korrupsioni në politikë është i shfrenuar, ne paguajmë më shumë taksa dhe për çfarë, infrastruktura është komplet rrëmujë, Xhorxh Soros ka në kontroll gjithçka sepse ai paguan për gjithçka.
Kryeministri Edi Rama e ndjeu në lëkurë këtë zemërim si në rastin e protestës së Rrugës së Kombit, por edhe shumë të tjerave, përshi edhe atë të opozitës me miell në Parlament të pak ditëve më parë.
Nisur nga situata politike, por edhe përshkrimi i Forbes, kryeministri Rama duket se ka harruar prej kohësh udhëtimin e tij me taksi për të matur perceptimin e opinionit publik, pasi revolta dhe zemërimi i qytetarëve ndaj tij është krejtësisht i dukshëm. TIRANA TODAY
