Udhëheqësit perëndimorë paralajmëruan sërish Asadin se ata mund të nisin sulme të tjera raketore në drejtim të Sirisë nëse do të përdoren përsëri armët kimike.
Ndërkohë që bombardimet u denoncuan nga Damasku dhe mbështetësit e saj i cilësuan si veprime të paligjshme që do të bartnin pasoja. Mëngjesin e sotëm, pas sulmeve të koordinuara nga Shtetet e Bashkuara, Franca dhe Britania, nuk ishte e qartë nëse goditjet me 100 ose më shumë raketa do të kishin ndonjë ndikim afatgjatë në përdorimin e armëve kimike të Sirisë ose në mbështetjen kritike të Rusisë ndaj qeverisë siriane.
Megjithatë, kishte një ndjenjë lehtësuese se goditjet për tre objektiva – që besohej të ishin parandaluese për prodhimin e armëve kimike siriane – nuk shkaktuan viktima nga ana e palës ruse, e cila mund të kishte çuar në një konfrontim të drejtpërdrejtë mes Uashingtonit dhe Moskës.
Megjithatë, retorika ishte e ashpër. Presidenti rus Vladimir Putin tha se sulmet do të kishin “një efekt destruktiv në të gjithë sistemin e marrëdhënieve ndërkombëtare” dhe bëri thirrje për një mbledhje urgjente të Këshillit të Sigurimit të Kombeve të Bashkuara.
Por nuk kishte shenja se ushtria ruse po përgatiste një reagim hakmarrës që mund të sillte Moskën dhe Uashingtonin në një konfrontim të drejtpërdrejtë.
Televizioni sirian i cilësoi sulmet “një shkelje flagrante” të së drejtës ndërkombëtare dhe udhëheqësi suprem i Iranit, Ali Khamenei, e konsideroi një “krim ushtarak”.Por përveç Teheranit dhe Moskës, të cilat mbështesin qeverinë siriane, shumica e botës panë sulmet e drejtuara nga Shtetet e Bashkuara si të justifikuara dhe shpresonin se kjo do të ishte një pengesë ndaj regjimit të Bashar al-Asadit.
Britania e Madhe
Ministrja e Jashtme britanike Theresa May i quajti sulmet e tre shteteve një sukses dhe sipas saj ato ishin “të drejta dhe të ligjshme” në përgjigje të përdorimit të dyshuar të armëve kimike nga qeveria siriane një javë më parë në Douma të rebeluar, ku u vranë dhjetëra njerëz.
NATO
Kreu i NATO-s, Jens Stoltenberg, parashikon se “kjo do të zvogëlojë aftësinë e regjimit për të sulmuar më tej popullin e Sirisë me armë kimike”.Uashingtoni, Parisi dhe Londra kanë thënë se kanë prova, pa i identifikuar ato, se mbytja është shkaktuar nga gazi.
Hetimet
Inspektorët nga Organizata Ndërkombëtare për Ndalimin e Armëve Kimike pritet të hyjnë të shtunën në Douma. Ata do të mbledhin mostrat e tokës dhe do të bisedojnë me dëshmitarët në përpjekjet për të zbuluar atë që ka ndodhur.
Franca dhe SHBA
Gjasat për më shumë veprime ushtarake për momentin duken të vogla. Ministri i Jashtëm francez Jean-Yves Le Drian tha se asnjë sulm nuk është planifikuar tani për tani, por kërcënoi për më shumë sulme nëse ushtria siriane përdor armë kimike.“Faleminderit për Francën dhe Mbretërinë e Bashkuar për urtësinë e tyre dhe fuqinë e ushtrisë së tyre të shkëlqyer. Nuk mund të kishte pasur një rezultat më të mirë. Misioni u realizua!”, shkroi Trump.
Veprimi ka të ngjarë të shkaktojë përplasje të mëdha në Këshillin e Sigurimit të Kombeve të Bashkuara, i cili u mblodh tri herë javën e kaluar për të diskutuar mbi Sirinë. Por çdo veprim u bllokua nga vetoja e Rusisë, nga njëra anë, Shtetet e Bashkuara, Franca dhe Britania nga ana tjetër.
Kina
Kina, anëtari i pestë i përhershëm, tha nëpërmjet ministrisë së Jashtme se e kundërshtonte përdorimin e forcës. Ndërsa kërkoi negociata dhe bëri thirrje për një hetim “gjithëpërfshirës, të paanshëm dhe objektiv” mbi pretendimin se Asadi ka përdorur armë kimike.
https://tiranatoday.com/kina-kundershton-ashper-sulmet-e-shba-se-kundrejt-sirise-amerika-po-nderlikon-situaten/
Ministria e Mbrojtjes e Rusisë njoftoi se forcat e saj nuk mobilizuan për asnjë çast mbrojtjen e tyre ajrore – duke të lënë të kuptohet se sulmi do të hapte një krizë më të gjerë midis dy ish-armiqve të Luftës së Ftohtë.Rusia më tej pohoi se forcat siriane përdorën sisteme të vjetra të mbrojtjes ajrore sovjetike për të kapur raketat e aleatëve. Pentagoni nuk ka dha asnjë përgjigje nëse janë hedhur raketa nga sistemet e mbrojtjes ajrore.
Nuk dihet se ç’do të ndodhë
Sulmi përfshiu municione të hedhura nga anijet e avionëve dhe anijeve detare, duke përfshirë rreth 100 raketa lundrimi Tomahawk, sipas një zyrtari të Departamentit të Mbrojtjes i cili foli me kushte anonimiteti për të diskutuar detajet operacionale.
Sulmi erdhi pavarësisht nga mungesa e gjetjeve përfundimtare nëse përdoreshin armët kimike ose jo. Një ekip fillestar inspektorësh mbërriti në Siri të premten.Sekretari i Mbrojtjes Jim Mattis nuk la të kuptohej nëse sulmi do të parandalojë Asadin të përdorë përsëri armët kimike. “Asgjë nuk është e sigurt në këto çështje. Sidoqoftë, kemi përdorur pak më shumë se dyfishin e numrit të armëve këtë vit sesa kemi përdorur vitin e kaluar”, tha ai.
TIRANA TODAY
