Një aksident i rëndë ka ndodhur mesditën e sotme në Kamëz, ku një i moshuar është përplasur për vdekje nga një makinë. Ngjarja e rëndë ka ndodhur në rrugë Skëndërbej.
65-vjeçarja me inicialet D.D, në momentin e aksidentit ka qënë duke kaluar nga njëra anë e rrugë në tjetrën.
Nuk dihen ende shkaqet dhe motivet e ngjarjes. Forca policie në vendngjarje kanë nisur hetimet.
Njoftimi paraprak i policisë për ngjarjen:
Me datë 10.04.2017, rreth orës 12:00, në Sallën Operative ka ardhur një telefonatë se në Kamëz, ka ndodhur një aksident.
Menjëherë në vendngjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën “Skënderbej” në Kamëz, mjeti me targë AA 598 DO, me drejtues shtetasin Rezart Koleci ka aksidentuar një këmbësore shtetasen D. D., rreth 65 vjeçe.
Për pasojë shtetësja D. D., ka humbur jetën.
Grupi hetimor po kryen veprimet për zbardhjen e plotë të aksidentit ndërsa drejtuesi i mjetit është shoqëruar në Komisariat për veprimet e mëtejshme.
