Ashtu siç ishte lajmëruar, opozita e bashkuar u ngrit në protestë ditën e sotme. Me dhjetëra qytetarë bllokuan katër prej akseve kryesore në vend, përkatësisht në Milot, Çermë, Bradashesh dhe Vorë.
Protestuesit e shumtë bllokuan lëvizjen e automjeteve për më shumë se dy orë. Protesta e udhëhequr nga Basha, në Vorë, vijoi e qetë, edhe pse shumë prej qytetarëve të bllokuar, ishin të irrituar.
Ndërkohë për Tirana Today, protestuesit më tone të ashpra akuzojnë qeverinë për mos transparencë të ardhurave, si edhe bënë thirrje për lirimin e 11 të burgosurve. Qytetarët kërcënuan kryeministrin, duke thënë se nëse ai do të vazhdonte ne pagesën për Rrugën e Kombit, ata do të përshkallëzonin protestat, me keq se ajo e 31 marsit. Për më tepër ndiqni videon. Tirana Today
