Asnjë përgjigje pozitive për kërkesën e opozitës, për shtyrjen e punimeve të seancës së sotme plenare për pasdite, nisur nga agjenda e ngjeshur e protestës, me bllokim se paku të katër akseve kryesore në vend.
Duket se kreu i Kuvendit, Ruçi nuk e ka marrë parasysh një kërkese të tillë, pasi se paku si reflektohet në faqen zyrtare të Kuvendit, seanca është parashikuar të mbahet si gjithmonë në orën 10:00 te paradites.
Kujtojmë se opozita do të jetë sot në krye të protestave, të aksionit të saj për mosbindje civile, e për ketë i bëri një kërkesë mesditën e djeshme kryetarit të Parlamentit Gramoz Ruçi që të shtyjë seancën plenare të së enjtes për në orën 18:00.
