Opozita e bashkuar prej dy ditësh flet për mosbindje civile që përfshin një sërë aktesh kundër qeverisë që nga mospagimi i taksave deri tek protestat në rrugë.
Mosbindja civile e thirrur nga opozita do të nisë të enjten. Mësohet gjithashtu se do të bllokohen disa nga akset kryesore në vend, si në Vorë, Fushë-Krujë, Bradashesh, aksi Lushnjë-Fier duke paralizuar kështu qarkullimin.
Kreu i PD-së Lulzim Basha pasditen e sotme pati takime të ndara me krerët e degëve, kryetarët demokratë të bashkive si dhe me deputetë të PD-së për të koordinuar aksionin opozitar kundër qeverisë. Kërkesa për mosbindje civile erdhi pas protestës së qytetarëve në “Rrugën e Kombit” që kundërshtonin tarifën e vendosur nga koncesionari.
