Një situatë e tensionuar është shënuar në aeroportin e Londrës ku prej disa minutash është bllokuar një avion rus. Sipas agjencisë mediatike ruse “Interfax”, avioni Airbus A321 i nisur nga Moska është ulur në aeroportin e Londrës dhe po kontrollohet imtësisht nga policia britanike. Pilotët e avionit rusë kanë refuzuar të zbresin.
Kujtojmë se marrëdhëniet mes te dyja vendeve janë shumë të tensionuara për shkak të rasti “Skripal”. Për këtë akt, Rusia është dënuar në formë unanime nga SHBA, BE, NATO, por edhe vende të tjera me dëbim të zyrtarëve të saj. Nga krahu tjetër edhe Kremlini zyrtar është kundërpërgjigjur duke përzënë shumë diplomatë, përfshirë këtu edhe nga Shqipëria.
Panorama e kësaj ngjarjeje është ende e paqartë. Por, Kremlini ka reaguar vetëm pak minuta më parë duke e quajtur ngjarjen “një tjetër provokim”. TIRANA TODAY
