Deputeti i Elbasanit, Endri Hasa, ka publikuar një video tronditëse të ndotjes së ajrit në Elbasan, gjatë punimit të rafinerisë e përpunimit të naftës gjatë natës. Rafineria e firmës RBH Beline përpunon naftë atje pasi qeveria e pajisi me liçensë konçesionare 30 vjeçare.
Rafineria ndot edhe mjedisin e fshatrave dhe zonës përreth, arsye për të cilën banorët protestuan para zgjedhjeve, por u gënjyen nga Taulant Balla me premtimin se rafineria do të ndërpriste punën derisa të përmbushë kushtet sipas liçensës.
Në të tilla kushte liçensa konçesionare duhej anuluar nga Ministria e Damian Gjiknurit, por shëndeti i qytetarëve të Elbasanit nuk është prioritet i qeverisë. Deputeti Hasa i kërkoi prokurorisë ndërhyrje urgjente.
“Helmimi vazhdon! Populli i Elbasanit i dënuar të thithë tymin e rafinerisë. Ky është krim, është vrasje.
Prokuroria të ndërhyjë urgjentisht!”, shkruan Deputeti.
