Shqiptarëve iu ka ardhur në majë të hundës me Edi Ramën. Të paktën kështu rezultojnë 43 për qind e tyre. Një sondazh i publikuar së fundmi e vlerëson Ramën me një përqindje të lartë negativiteti duke shtuar këtu edhe pjesën asnjanëse prej 17 për qind. Ndërsa vetëm 40 për qind kanë opinion pozitiv për të.
Me sa duket skandalet e mëdha që kanë përfshirë qeverinë e kryeministrit Edi Rama përgjatë mandatit të parë dhe të dytë qeverisës kanë dhënë impaktin tek qytetarët shqiptarë.
Rama i akuzuar edhe nga opozita si autori kryesor i mbjelljes së kanabisit, si autori që ka ngritur taksat, dhe ka mbushur qytetet e vendit me fasadë përmes kryebashkiakëve të tij kukulla, si dhe iu hoqi ndihmën ekonomike 20 mijë familjeve, ka bërë që një përqindje e konsiderueshme të ketë krejtësisht opinion negativ për të. Ndërsa vetëm 40% e banorëve të Shqipërisë në moshë votimi kanë opinion pozitiv për punën e Edi Ramës dhe 17% kanë opinion asnjanës.
Megjithëse Basha, Meta dhe Berisha qëndrojnë më poshtë në këtë sondazh, të dhënat shprehin nevojën për një ndryshim radikal.
Këto janë rezultatet e një sondazhi elektronik e zhvilluar nga revista Follow Business Albania me rreth 2100 të anketuar në shkallë kombëtare, për ta përfaqësuar elektoratin shqiptar sa më mirë demografikisht dhe politikisht.
Maksimumi i marzhit të gabimit statistikor për këtë sondazh ishte plus/minus 2.2%.
Të përkthyera në numër votuesish, këto rezultate na tregojnë se rreth 840 mijë votues kanë opinion pozitiv për Ramën, ndërsa rreth 900 mijë kanë opinion negativ (rreth 360 mijë kanë opinion asnjëanës).
Ndërsa për punën e Lulzim Bashës, vetëm 20% e banorëve të Shqipërisë në moshë votimi kanë opinion pozitiv, dhe 52% kanë opinion negativ (28% kanë opinion asnjëanës).
Të përkthyera në numër votuesish, këto rezultate na tregojnë se vetëm 420 mijë votues kanë opinion pozitiv për Bashën, ndërsa rreth 1.1 milion kanë opinion negativ (rreth 580 mijë kanë opinion asnjanës).
Ish kryetari i PD-së Berisha rezulton më i pëlqyer se kryetari aktual Basha; 32% kanë opinion pozitv për Berishën dhe 48% kanë opinion negativ (20% kanë opinion asnjanës).
Të përkthyera në numër votuesish, këto rezultate na tregojnë se rreth 680 mijë votues kanë opinion pozitiv për Berishën, ndërsa rreth 1 milion kanë opinion negativ (rreth 420 mijë kanë opinion asnjanës).
Opinioni pozitiv për presidentin Meta duket se kufizohet tek elektorati i LSI-së: 12% kanë opinion pozitiv për të dhe 48% kanë opinion negativ (40% kanë opinion asnjëanës).
Të përkthyera në numër votuesish, këto rezultate na tregojnë se rreth 250 mijë votues kanë opinion pozitiv për Metën, ndërsa rreth 1 milion kanë opinion negativ (rreth 850 mijë kanë opinion asnjanës).
