Kryeministri Edi Rama ndodhet në Bruksel, dhe sot ka zhvilluar një takim me komisionerin Johannes Hahn.
“Me Komisionerin Hahn në vigjilje të Raportit të Komisionit Evropian të 17 prillit, ku presim rekomandimin për çeljen e negociatave për anëtarësim në BE,” shkruan Rama në “Facebook”.
Kreu i qeverisë shkruan në se ky ishte një takim shumë pozitiv, ku u bë bilanci i progresit të qëndrueshëm në adresimin e prioriteteve kyçe të integrimit dhe u theksua ecuria e procesit të Vetingut
“Një takim shumë pozitiv, ku u bë bilanci i progresit të qëndrueshëm në adresimin e prioriteteve kyçe të integrimit dhe u theksua ecuria e procesit të Vetingut – që këtë javë hyn në fazën vendimtare të zbatimit, me fillimin e dëgjesave publike të gjykatësve e prokurorëve të nivelit të lartë përpara komisionit të shkallës së parë,” shkruan kryeministri.
