Policia e Beratit ka zbardhur dhe ndaluar autorin e vjedhjes së 3 milonë lekëve, të grabitura nga një banesë në lagjen Uznovë, të Beratit. Gjithashtu është gjetur dhe shuma e lekëve të vjedhura.
Policia ka njoftuar se është zbardhur vjedhja e një banese ku autori vodhi një shumë të madhe lekësh, si dhe është kapur dhe ndaluar autori dhe sekuestruar shuma e lekëve që kishte vjedhur.
Specialistët e Seksionit për Krimet pas një pune hetimore bënë ndalimin e shtetasit: Ermal Xhafa, 34 vjeç, banues në Berat, thotë policia.
Ndalimi i shtetasit të lartpërmendur u bë pasi dyshohet se është autor i vjedhjes së ndodhur në banesën e shtetasit I.N, 37 vjeç, banues në lagjen Uznovë, Berat, ku pasi ka hyrë nga dritarja e banesës ka marrë një sasi prej 3.000.000 lekë, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Berat për veprën penale “Vjedhje”.
