Kreu i PD-së Lulzim Basha akuzoi Ramën se përmes skemës së re të ndihmës ekonomike ka lënë qindra familje pa asnjë të ardhur. Sipas tij Rama po i punëson disa qytetarë vetëm pasi kanë dalë në fotografi me kreun e PD-së.
Gjatë debatit në Parlament për këtë çështje, Basha u shpreh se Kryeministri simbolizon dembelizmin dhe parazitizmin në Shqipëri, duke u dhënë miliona miqve të tij pa punuar, ndërsa akuzon shqiptarët se nuk duan të punojnë.
“Shqipëria është e fundit në Evropë përsa i përket indeksit të lumturisë, sipas një raporti që doli dje. Në tre vitet e fundit Shqipëria ka rënë me 22 vende. Në grafikun e ndryshimit jemi në 9 vendet në botë që kanë pësuar ndryshimin më të madh, jemi përkrah Jemenit, Ukrainës së luftës civile dhe Venezuelën e Chavez dhe Maduros. Po në të njëjtët ditë indeksi i Institutit të Vienës tregoi se Shqipëria është vendi me portofolin më të zbrazur të qytetarëve të saj. më keq se Shqipëria është Kosova”, tha Basha.
Sipas tij “ti thua se ka vende pune, por s’kanë ku të punojnë. Derisa ata dolën në fotografi me mua dhe ti çove sejmenët e tu për ti futur në punë. E vërteta është që ti e ke futur ekonominë në kolaps. Vetëm në 3 muajt e parë të janë mbyllur 3 mijë biznese të vogla sipas QKR-së. Ky u jep para koncensionarëve të Fierit 6 milionë pa bërë punë fare, i jep lekë Vilmës pa bërë kontrolle fare. Nga ana tjetër akuzon shqiptarët se janë dembelë. Rama ka një ministër më injorant se vetja për çështjet e ekonomisë dhe kjo është arsyeja pse e ka katandisur në këtë gjendje”.
“Ti refuzon t’i shohësh ata që ke hequr nga ndihma ekonomike, sepse kjo të nxjerr bllof. Ke humbur çdo kontakt me popullin tënd të cilin e urren. Reforma e nisur në 2012 tani është marrë peng nga synimi yt për t’i përdorur të varfërit për mish për top. Jemi këtu për të konstatuar të vërtetën ashtu siç është, jo ashtu siç do ti. 70% e familjeve më të varfëra janë të përjashtuar nga ndihma ekonomike, thotë Banka Botërore.
Shqipëria renditet në vendin e 112 përsa i përket indeksit të lumturisë. Ti në këto 3 javë je përpjekur t’u thuash shqiptarëve se ka punë, por këta nuk duan të punojnë. Unë kam qenë familje më familje, ata kanë kërkuar për punë deri sa dolën në fotografi me mua. Ku janë shtuar këto vende pune?
Të flasësh në ajër është e thjeshtë. E vërteta është që ti e ke futur ekonominë në kolaps. Ju kujton shqiptarëve gjithmonë se janë dembel. Këta të koncesionarit të Fierit e të Elbasanit që marrin para pa punuar fare, çfarë janë? Ky është mbështetësi më i madh i dembelizmit dhe parazitizmit në Shqipëri. Ka dhënë miliona për miqtë e tij pa punuar fare. Ju merr shpirtin njerëzve të varfër. I heq nga ndihma ekonomike se kanë televizor. E dimë që Edi Rama nuk merr vesh nga ekonomia, nuk ka këshilltar për ekonominë, ka edhe një ministër më injorant për ekonominë”, tha Lulzim Basha gjatë fjalës së tij në Parlament”, tha Basha.
